Чесько о півночі зрушыло вынятковы контролі польского говяджого мяса. Приiмателі додавок говяджого мяса  так немусять уж  предкладати тесты на притомність салмонелы. Чеська  Штатна ветеринарна справа зрушыла  вынятковы ветеринарны опатріня з 21. фебруара. Поландія то значіть дала Чехії ґаранції, же зробить махімум про то, абы ся на чеськый торг недостало недобре мясо, інформувало о тім чеське міністерство землегосподарьства. Ветеринары але будуть і надалей інтензивні опреділяти свою увагу контролям різіковым потравинам, главні говяджому і птаховому мясу, абы хранили здоровя спотребителів. Замірявають ся притім на довоз нелем з Поландії, але і з дальшых країн. (TASR, Pkf)