Америцькый Народный архів одтайнив днесь скоро 1500 документів о атентаті, з прічіны котрого в новембрі 1963-ім року пришов о жывот втодійшный презідент США Йогн Ф. Кеннеді. Векшына оддтайненых документів походить з америцького Федералного уряду про досліджуваня (FBI) і Централной справодайской службы (CIA), пише аґентура DPA. Америцькый конґрес в року 1992 одобрив закон, на основі котрого быв вшыток матерял повязаный з атентатом даный до Народного архіву. Творить го веце як пять міліонів стран записів, фотоґрафій, філмовых і звуковых записів. Вшыткы документы мали быти подля даного закона опублікованы в октобрі 2017-го року, покы ся так але нестало. (TASR, Pkf)