Швеція і Фінландія пожадають о членство в НАТО довєдна
00
Влады Швеції і Фінландії доїднали ся, же жадости о вступ до Североатлантічной аліанції передложать довєдна в половині мая. Інформовала о тім аґентура Associated Press з одкликаньом ся на містны медії. Подля фіньской булварьной ґазеты Iltalehti шведьска влада пожадала Фінландію, жебы обидві країны выразили свій замір довєдна в тыждню од 16-го до 22-го мая. Тоту інформацію шведьскы владны джерела потвердили і шведьскому деннику Expressen. Підпора людей у Швеції і сусідній Фінландії про вступ до НАТО на початку російской інвазії на Україну наросла.
(Медвідь, ТASR)
-
Назад / Nazad Зеленьскый: Росія нич не досягне
-
Далше / Dalše Індія хоче помочі світу векшыма додавками пшеніці