Брітаньскы опозічны партії в понедільок стрітили ся, жебы довєдна наплановали, як заборонити брексіту без договору. Депутатка Партії зеленых Керолайн Лукасова подля аґентуры Associated Press повіла, же опозіція є цалком єднотна в тій справі. Опозічны партії включно Лейбрістічной партії і Шкотьской націоналной партії ся боять, же премєр Борис Джонсон од конзерватівців не мусить дотримати новый закон, на основі котрого до 19-го октобра мусить передложыти парламенту на схваліня пропозіцію договору о брексіті, або зохабити депутатів голосовати о одході Великобрітанії з Унії без договору. Покля бы то не зробив до той даты, мусив бы пожадати Европску унію о одклад терміну брексіту до 31-го януара 2020-го року. Премєр повторяно повів, же Лондон одыйде з Унії 31-го октобра, ці з договором, або без нього. Опозіція ся хоче і надалше стрічати, жебы тому заборонити.

(Медвідь, TASR)