Австрійскый презідент Александер Фан дер Беллен зачне в середу розговоры з лідрами пятьох політічных партій, котры в недільняйшых парламентных вольбах здобыли мандат до Народной рады. Першый, з кым ся стрітить, буде переможця з неділі, бывшый канцеларь і председа Австрійской людовой партії Себастіан Курц. Інфомовала о тім аґентура APA. Владный кабінет дочасной канцеларькы Бріґітте Бірлайновой уж днесь запропоновав свою демісію презідентови. Дочасна влада буде выконовати свої функції аж до выменованя новой влады, котру правдоподобно поведе знова Курц.

(Медвідь, TASR)