x

Засідала Світова рада Русинів

00

В суботу 28-го септембра у Вінковцях в Хорватії проходило засіданя Світовой рады Русинів, першыраз у новім складі, котрый быв выбратый на 15-ім Світовім конґресі Русинів, якый проходив в юлі у Любовняньскых купелях. Засіданя вів председа конґресу Штефан Лявинець. Членове Світовой рады окрім іншого обговорили проєкты писм, котры дотуляють ся сітуації Русинів, адресованых Европскій комісії про людьскы права і Підкомісії про справы выходной співпраці, як і корешпонденцію, котра пришла од высокого комісаря ОБСЕ про народностны меншыны Ламберта Заньєра. Продіскутованы были і можливы контакты Світовой рады Русинів із адміністраційов презідента Україны Володиміра Зеленьского.

(Медвідь, lem.fm)