Выбухы в місті Львів на западі Україны собі з ночі на неділю выжадали жывот молодой поліцайткы і запричінили пораніня найменше 25 іншых особ, увели то містьны органы, котры експлозії означіли за терорістічный акт. Поліція і безпечностна служба (SBU) затримали можну атакуючу. Інформує о тім аґентура AFP. Подля містьской прокуратуры дошло к выбухам коротко по тім, як поліція прияла голошіня о вламаню ся до обходу в центрі міста в неділю коло 0.30 год. містьного часу (в суботу 23.30 SEČ). До першого выбуху дошло зразу по приході першой поліцайной патpолі. Друга експлозія наслідовала о кус пізніше, кедь на місце доразила далша патроля. Уряды увели, же при выбуху была вбита 23-річна поліцайтка. „Єднозначно іде о терорістічный чін,“ увів пріматор міста Андрій Садовый у своїй статті на соціалній сіті Facebook. Міністер внутра Ігор Клименко повів, же екзістують вшыткы доказы, жебы сьме собі думали, же тот злочін быв повязаный з приказом Росії,“. (TASR, Пкф)