Україньске міністерство закордонных справ в суботу увело, же одсуджує „ултімата і выдераня“ з боку влад Мадярьска і Словакії, котры погрозили заставліньом додавок електрикы на Україну, кедь Київ не обновить транзіт російской ропы. Інформує о тім аґентура Reuters і выголошіня україньского міністерства. Председа влады СР Роберт Фіцо в суботу выголосив, же попопросить словацькы фірмы о заставліня додавок електрикы на Україну, кедь україньскый презідент Володимир Зеленьскый не обновить до днешнього дня (23-го фебруара) ток ропы через роповод Дружба на Словакію. Подобно ся перед пару днями высловив і мадярскый премьєр Віктор Орбан, котрый тыж увів, же Будапешт буде блоковати пожычку Европской унії про Україну у вышці 90 міліярд евр. Резорт загранича Україны означів выголошіня з Будапешті і Братіславы за „провокатівны, неодповідны і огрожуючі енерґетічну безпечность цілого реґіону“. (TASR, Пкф)