Будьякы діскусії о посланю европскых вояків як мірных сил на Україну почас проходячой войны суть передчасны і непристойны, повів новинарям німецькый канцеларь Олаф Шолц по одході зо саміту европскых лідерів у Паріжі. Такы пропозіції означів за шпекулатівны, подля нього передбігують мірны переговоры, інформовав денник The Guardian. На неформалный саміт, якый занимав ся рішіньом войны на Україні, і котрый в понедільок проходив у столиці Франції, презідент Еммануел Макрон запросив лем дакотры країны. На стрічі брали участь представителі Німецька, Великобрітанії, Італії, Польщі, Іспанії, Голандії і Данії. Участна была і предсидателька Европской комісії Урсула фон дер Леєнова, і председа Европской рады Антоніо Коста.

(Медвідь, TASR)