Ізраіль і палестіньскый мілітантный рух Гамас на переговорах в середу в катарьскій Даузі были згодны з договором о перемірю в Пасмі Ґазы і пропущіню полоненых. Інформовали о тім америцькы представителі і зволеный презідент Доналд Трамп. Посередниками договору были Споєны штаты, Катар і Еґіпт і дішло до нього по довгых переговорах, котры тырвали дакілько місяців. Значный посун настав у послідніх днях мандату америцького презідента Джова Байдена. Переміря бы мало почати платити од неділі 19-го януара. Частьов договору о перемірю, котрый буде реалізовати ся у веце фазах, є поступне пропущіня людей затримованых Гамасом в Пасмі Ґазы і пропущіня палестіньскых вязнів у Ізраілю.

(Медвідь, TASR)