Німецькый міністер здравотницьтва Карл Лаутербах днесь высловив знепокоїня над новым субваріянтом коронавірусу XBB.1.5, котрый быв обявленый в октобрі. Увело то на своїм  Twitteri. Як дале увів Лаутербах, же вірять, же ся подарить пережыти зиму іщі скорше, як ся ту новый варіянт розшырить, причім поуказав на шыріня XBB.1.5 главні на северовыході Сполученых штатів. Додав, же новый варіянт запричінив в даній області звышене чісло госпіталізуваных пацєнтів. Аґентура DPA припоминать, же субваріянт омікрону XBB.1.5, котрый быв обявленый в минулім року в октобрі, є наказливішым, як вшыткы дотеперішні  верзії коронавірусу. Подля ґенетічной аналізы ся субваріянт шырить главні в Европі і Сполученых штатох америцькых, причім го зазначіли уж в  29 країнах світа. (TASR, Pkf)