Індія зазначіла уж веце як 200.000 смертелных пригод повязаных з новым  тіпом коронавірусу. За послідніх 24 годин там першый раз прибыло веце як 3000 смертелных пригод. На  Субконтіненті тыж вчера уж семый день по собі зазначіли выше 300.000 новоінфікованых коронавірусом SARS-CoV-2, пише аґентура AFP. Індія патрить того часу к штатом, котры суть актуалні найвеце засягнуты епідеміов інфекчного захворіня COVID-19. Лем за апріль там прибыло скоро шість міліонів потвердженых припадів інфікації, приближує AFP. Од зачатку пандемії країна евідує скоро 18 міліонів інфікованых. (TASR, Pkf)