Індія планує значно понижыти цла на довоз дакотрых авт із Европской унії. Увели то про аґентуру Reuters жрідла інформованы із сітуаційов з тым, же цла бы мали понижыти ся аж зо 110 % на 40 %. То бы значіло одтовгды найвекше отворіня ся індіцького рынку про европскы автомобілкы. Індія і Европска унія суть коротко перед підписом договору о вольнім обході. Подля жрідел індіцька влада сугласила, же бы ся зразу редукція довозных цел на лімітоване чісло авт з EU із довознов цінов над 15 000 евр зреалізувала. Наі Діллі і Брусел бы мали договор о вольнім обході ознамити у вівторок 27-го януара. (TASR, Пкф)