Віцепремєр ґроньской влады а міністер фінанцій Муте Еґеде у четверь означів будьяку пробу о одступлїня ёго державы дакому другому за неприятельну. Ёго выражіня пришли лем день по тім, як америцькый презідент Доналд Трамп ознамив рамец про будучій договор о Ґроньску, пише TASR подля аґентуры AFP. ,,Непозераючі на тиск, котрый можуть розвивати другы, не буде наша держава одовздана никому а з нашов будучностёв ся не буде газардовати,” увів Еґеде в приспівку на Фейсбуку. ,,Є неприятельне пробовати дати нашу теріторію іншым. Тото є наша держава – мы сьме тоты, котры формують єй будучность,” додав. О будучім договорї о Ґроньску інформовав Трамп довєдна з ґенералным таёмником NATO Марком Рутем на окраю Світового економічного фора в Давосі.

(TASR, Шутіова)