Австрійскый міністер загранічных дїл Себастіан Курц вызвав Італію, жебы перестало перевожовати міґрантів з островів на певнину. Зробив так в часї стрїтнутя у Відню з італьскым резортным партнером Анжеліном Алфаном. Міґранты, котры приходять на чолнох на італьскы островы, суть в сучасности перевожованы траєктами на італьску певнину. Курц Алфанові повів, же од Італії ся чекать закінчіня такых поступків. Перевожованя нелеґалных міґрантів з островів подля Курца злехшує їх пересуваня до іншых европскых країн. Таксамо то повзбуджує далшых, жебы ся выдавали на небеспечну плавбу з побережа севернёй Афрікы, што лем знасоблює зіскы пашераків.
(Зденка Цітрякова)