x

Австрія заказала вступ турецькому міністрови

00

NEWS-Zeybekci-1168x657Австрія заказала турецькому міністрови господарьства вступ на свою теріторію. Міністер Нігат Зейбекчі хотів брати участь на події із нагоды річніці невыдареной пробы о пуч в Турції. Інформовало о тім австрійске міністерство загранічных діл. Заказ выдав австрійскый міністер Себастіан Курц. Подобне рішіня прияла і Голандія. В пятніцю голандьска влада оголосила, же турецькый віцепремєр Туґрул Тіркеш не є в державі вітаный. Він так само хотів зыйти ся зо своїма краянами із нагоды річніці пробы о пуч. Голандьске міністерство загранічных діл у выголошіню написало, же участь Тіркеша, ани іншых членів турецькой влады, не є жадуча.
(Петро Медвідь)