Урадуючій презідент Алехандер Лукашенко выграв презідентьскы вольбы в Білорусії. З тзв. exit polls зреалізуваных на заказку телевізії Mir і цітованых аґентуров TASS выходить, же здобыв 79,7 процентів голосів. Подля того джерела  Світлана Ціхановска здобыла у вольбах підпору од 6,8 процентів голосів. Єдночасно в центрі білоруской метрополы Мінск выпукнули в неділю вечур насилны стрічі меджі поліційов і демонштрантами, котры на вызву опозиції вышли до улиць, абы ся домагали транспарентного зрахуваня голосів одовзданых в недільных презідентьскых вольбах. (TASR, Pkf)