В рамках їднаня Валной громады Орґанізації зъєдиненых народів тот тыждень в Ню Йорку стрітять ся на білатералнім їднаню російскый шеф діпломації Серґей Лавров і ґенералный секретарь Североатлантічной аліанції Єнс Столтенберґ. Піде о єдно з мала їднань на высокім рівню меджі Російов і НАТО за остатні рокы. О стрічі в понедільок інформовав председа выбору про загранічны односины Державной думы Леонід Слутьскый. Лавров подля Слутьского на стрічі одкрыє і вопрос подля Москвы надмірной підпоры НАТО державам, котры суть сусідами Росії, і запропонує зліпшіня взаємной комунікації у вопросі Сірії.
(SITA, Mедвідь)