Шість французькых вояків было ранено, кедь до них в Паріжу почас протитеросістічной операції набуряло чорне BMW. Подля поліції суть дві особы важні поранены. Винника атакы поліція затримала при наганячці на автостраді і підстрилила, теперь лежыть в шпыталю. Подля дотеперішніх інформацій винником є 37-річный приселенець з Алжірьска, котрый мав поволіня на перебываня в країні і є підозрілый із пашованя людей до Франції. Інцідент досліджують як терорістічный акт.
(Анна Кузмякова)