Десіґнованый чеськый премєр Андрей Бабіш (ANO) хоче, жебы Чеська републіка была найлїпшым місцём на жывот на цїлїй планетї. Председа гнутя ANO то повів у своїм новорочнім прояві на соціалній сїтї, інформує TASR подля вебу idnes.cz. ,,Зробиме вшытко про то, жебы ся роздїлена держава зачала зьєдиняти,“ повів Бабіш в новорочнім прояві а подяковав ся волічім за довіру у вольбах. Подля ёго слов волічі хотїли владу, котра буде мати Чеську републіку а єй обчанів на першім місцї інтересу. Одмітнув одплату або выбавлёваня учтів, зато ся не хоче позерати назад, але рішыти проблемы, котры людей траплять а хоче тыж приготовити лїпшу будучность про дїти. Прає сі тыж, жебы быв рік 2026 роком гордости, жебы ся обчане Чеськой републікы не бояли дати наяво, же їм на їх державі залежыть.

(TASR, Шутіова)