Америцькый міністер заграничный справ Антони Блінкен вчера інформував, же Ізраїль быв согласный з новым планом, подля котрого Орґанізація обєднаных націй (OSN) выконать на севері палестиньского Пасма Ґазы оцінюючу місію на посуджіня безпечности навернутя выстягуваных Палестинчанів до їх домів. У своїм онлійн справодайстві то увів інтернетовый сайт The Times of Israel. Підкреслив вєдно, же Сполучены штаты америцькы хочуть, абы ся война меджі Ізраїльом і палестиньскым радікалным рухом Гамас “скінчила што найскоріше“, причім є важне то, абы Ізраїль  досягнув свій леґітімный ціль, котрым є забезпечіти, абы “ся 7-ый октобер уж николи неповторив“.  Блінкын додав, же як бы Гамас зложыв зброю і вздав ся, конфлікт бы міг уж “скінчити завтра“.  (TASR, Pkf)