x

Блінкен заґратуловав Павлови ку перемозі у вольбах

00

Америцькый міністер загранічных діл Антоні Блінкен в понедільок заґратуловав зволеному чеському презідентови Петрови Павлови ку перемозі в презідентьскых вольбах, котрых друге коло проходило в пятніцю і суботу. Шеф америцькой діпломації то написав на соціалній сіті Twitter. За словами Блінкена, як приятелі, партнеры і союзници ся тішать на співпрацу на многых білатерлных, реґіоналных і ґлобалных пріорітах. Ґенерал у выслужбі Петр Павел выграв у другім колі, до котрого поступив вєдно із шефом руху ANO а бывшым чеськым премєром Андрейом Бабішом, кедь здобыв 58,32 процента голосів. Участь на вольбах перекрочіла в другім колі 70 процент. Мандат сучасного презідента Мілоша Земана кінчіть 8-го марца.

(Медвідь, ТASR)