Міністер загранічных діл США Антоні Блінкен по понедільковій навщіві Саудьской Арабії потвердив, же там існує „ясный інтерес“ о надвязаня односин з Ізраільом. Так само повів, же лідеры вшыткых шестьох країн, котры в остатніх днях навщівив в тім реґіоні, были згодны співпрацовати із Споєныма штатами в рамках намаг о обнову і досягненя довгодобой стабіліты в Пасмі Ґазы, пише аґентура AFP. Блінкен іщі в понедільок із Саудьской Арабії одлетів до Тел Авіву, де мав їднати о знижованю чісел цівілных жертв конфлікту в Ґазі. Шеф америцькой діпломації одышов до области уж четвертый раз од початку конфлікту меджі Ізраільом і мілітантным рухом Гамас. Теперь окрім Саудьской Арабії навщівив і Турцію, Ґрецію, Йорданію, Катар а Споєны арабскы еміраты.

(Медвідь, TASR)