Пряшівска ґрекокатолицька архієпархія вступила 1-го януара до юбілейного року. У вшыткых церьквах архієпархії ся в першый день нового рока чітав Пастырьскый лист высокопреосвященого владыкы Йоана, пряшівского архієпіскопа і метрополіты Словакії. Метрополіта інформовав, же віруючі архієпархії тот рік будуть святковати 200 років од заснованя Пряшівской єпархії, котра одділила ся од Мукачівской єпархії. Так само минать 50 років од леґалізації Ґрекокатолицькой церькви в Чехословакії і 10 років од повышіня церькви на церьков метрополітну з чім было повязане выголошіня Пряшівской єпархії за архієпархію і центер метрополії. Почас цілого рока будуть із нагоды юбілейного року проходити різны тому присвячены церьковны святкованя і події.
(Петро Медвідь)