Місто Сабинів буде в тім року господарити із розрахунком бівше як 13,4 міліонів евр. Розрахунок посланці Містьского заступітельства прияли як выровнаный в приймовій і выдавковій часті. В приймовій часті розрахунку творять бежны приймы 9,2 міліонів евр, капіталовы приймы представують два міліоны і приймы з фінанчных операцій суть розпочтованы на выше 2,2 міліонів евр. Найвысшу розрахункову суму приймів, бівше як 3,7 міліонів евр, творять выносы дані з приймів призначеных територіяльній самосправі. Розрахунок выдавків є твореный выдавкамі у высшкі 8,8 міліонів евр, капіталовы выдавкы представують скоро 4,3 міліонів евр а выдавкы з фінанчных операцій суть 305 тісяч евр. Найбівше фінанцій з бежных выдавків, скоро 4,9 міліонів евр, є приділеных до одбласті школства, 1,25 міліонів евр піде на справу міста а выше міліона евр є призначеных про область соціалных служб. В рамках капіталовых выдавків є найбівше фінанцій – вецей як 3,5 міліонів евр призначеных на обчанску выбавеність. Вецей як міліон евр ся сабіновска самосправа ріхтує інвестувати до общого пространства.
(Петро Кімак-Фейко)