Британія закаже продай бензіновых, нафтовых і гібрідных авт скоріше, як актуалні плановала. Інформував о тім британьскый премєр Боріс Джонсон. Як  Джонсон повів, заказ авт з бензіновым, нафтовым і гібрідным погоном зачне платити уж од 2035-го року, покы што Британія тот заказ актуалні плановала од 2040-го року. Британія ся завязала, же емісії склениковых плінів понижыть на нула до року 2050 і за словами Джонсона мусить свої актівіты на досягнутя даного ціля прискорити. (TASR, Pkf)