Булгарьскы уряды знову поволили отворіня ночных клубів, барів і діскотек, котры лем перед трёмя днями заперли по підвышіню кількости припадів наказы коронавірусом. Інформовало о тім в недїлю міністерство здравотницьтва в Софії. Од днесь 13. юла мож буде знову отворити діскотекы, ночны клубы і бары, котры але мусять заістити дотримованя безпечной оддалености меджі своїма заказниками. На єднім метрі квадратнім не сміє быти веце як єдна особа, што платить у вонкашнїх і внутрїшнїх просторах, пише аґентура АFP.

(TASR, Шутіова)