Бурї і привалову доджі собі в Ґреції, Турції і Булґарії выжадали в послідніх дньох найменше 11 жертв.  В ґрецькім реґіоні Маґнесіа впало за 24 годин вецей опадів, як там звычайно зазначують за цілый рік. Інформує о тім пресаґентура AFP. Період вынятковой теплой погоды скінчив ся бурями, котры змінили улиці міст на северозападі Турції на рікы. В Ґреції, котре ся фурт спамятавать з нічівых лісных пожарів, знову впало вынятково много опадів. Доджі постигли по вынятковім сухім літі і турецькый Інстанбул. Подля уряду істанбулского ґувернера собі выжадали двох мерьтвых. Турецькый Уряд про крізовы сітуації увів, же в місті Кіркларелі, котре лежыть на северозападі Турції собі заливы выжадали четверо жертв, дві особы іщі гледають. Прудкы доджі в послідніх дньох засагли і булгарьскы берегы Чорного моря, де собі выжадали найменше трьох мерьтвых. Подля гасічів ішло о найсилнішы доджі, котры в Булґарії зазначіли од року 1994. (TASR, Pkf)