Білоруське міністерство загранічных дїл сі у четверь предволало амбасадора Україны в повязаню з допадом ракеты україньской противоздушной обраны недалеко міста Брест на западї Білоруська. Україньскому амбасадорови ,,быв выраженый разный протест в повязаню з одпалїном протилетадловой рядженой стрїлы сістемы С-300 з теріторії Україны,“ уводить ся у выголошіню резорту діпломації в Мінску, з котрого цітовала аґентура AFP. Мінск жадать од Кієва, жебы цїлу подїю такой вышетрив а упозорнив, же інціденты того тіпу ся не сміють повторяти, затоже бы могли мати ,,катастрофалны дослїдкы“. Білоруське міністерство обраны передтым ознамило, же ёго сістема противоздушной обраны в погранічній области зострилила ракету, котру подля предбежных зіщінь одпалили зо сістемы S -300 з україньской теріторії. Україна ся ку тверджіням Мінска безпосереднё не выразила. В припадї їх потверджіня бы ішло о першый інціднет того тіпу од зачатку російской інвазії на Українї.

(TASR, Шутіова)