Білый дім крітіковав шефа Кремля Владиміра Путіна за переписованя історії і пошырьованя дезінформацій почас прояву, котрый мав у понедільок на святочнім воєньскім параді в Москві. Говоркыня Білого дому єдночасно одшмарила Путіново „абсурдне“ тверджіня, же войну на Україні выкликала аґресія Западу. Інформацію принесла аґентура Reuters. Подля говоркыні Білого дому Джен Псакіовой тото, што Путін бісідовав, є ревізіоністічна верзія історії, котра здобыла форму дезінформації. Підкреслила, же 9-ый май бы мав быти в першім шорі о святкованю міру і европской єдности, а єдночасно о припомянутю собі перемогы над націстічным Німецьком, но Путін подля ньой у своїм прояві „перекручав історію“, жебы оправдати свій неоправданый напад на Україну.

(Медвідь, TASR)