Кардіналы католицькой церькви з цілого світа ся днесь рано зібрали у Сікстіньскій каплиці у Ватікані, де в тт день конклаве выберають наслідника помершого папы Франтішка. Інформує о тім пресаґентура AFP. Конклаве ся офіціално зачало вчера  о 17.45 годин. По першім голосованю з комина над Сікстіньсков каплицьов ся знімав чорный дым, што значіть, же кардіналы не выбрали нового папу. Якбы папу выбрали, обявив бы ся білый дым. Аґентура Reuters припоминать, же ниякый папа в модерній історії не быв выбраный на першу пробу. По голосованю были кардіналы цілу ніч в єдній з двох выділеных ватіканьскых резіденцій, де подля аґентуры Reuters могли продовжувати в неформалных дебатах. До закінчіня приправы днешніх радіоновин, покы папа небыв іщі обратый. (TASR, Pkf)