x

Великобрітанія бы мала платити і по брексіті

00

londonВеликобрітанія буде мусити платити грошы Европскій унії і по одході з унії. Думать собі то еврокомісарь про розрахунок і людьскы жрідла Ґінтер Еттінґер. Подля нього Лондон буде мусити і по выступліню в році 2019 платити іщі за довгодобы проґрамы, котры были доїднаны іщі перед рішаньом о брексіті. Повів то про понедількове выданя німецького денника Bild. Підкреслив, же з боку Великобрітанії іде о обовязок, котрый буде мати Лондон мінімално до року 2020. Еттінґер так само спомянув, же довгодобо бракує в розрахунку Европской унії в дослідку брексіту 10 аж 12 міліард евр на рік. Подля його слов бы то мало быти выкомепнзовано і кроками, котры бы обсяговали шпоріня ці высшы вклады членьскых держав унії до розрахунку.
(Петро Медвідь)