Великобрітанія жадать адміністратіву америцького презідента Доналда Трампа, жебы запровадила далшы санкції односно Росії в реакції на обвиніня, же Москва схосновала новічок на отровліня бывшого російского аґента Серґея Скрипаля. Інформовала о тім аґентура Associated Press з одкликаньом ся на части із першого прояву брітаньского міністра загранічных діл Джереміго Ганта в США. Гант днесь выступить в Америцькім мірнім інштітуті. Подля шефа брітаньской діпломації російска загранічна політіка зробила за влады Путіна із світа небезпечніше місце. Аґентура припоминать, же Америка уж скоріше в тім місяці оголосила новы обмеджіня експорту до Росії в повязаню із припадом Скрипаля.
(Медвідь, TASR)