Началник німецькых наморных сил Каи-Ахім Схонбах одходить з функції по контраверзных высловох о україньскій кризі. Віцеадмірал окрім іншого повів, же тверджіня о тім, же Росія хоче вторгнути на Україну, суть “несмысел“ і же російскый презідент Владімір Путін “собі правдеподобно заслугує решпект“. Резіґнацію Схонбаха потвердило і німецьке міністерство обороны, котре ся од слов діштанцовало, інформує аґентура DPA. Україньске міністерство заграничных справ собі перед тым прызвало німецьку амбасадорку в Києві. Ознамило тыж, же протестує протів нежелательным высловам німецького началника о тім, “же Крім небуде николи вернутый Україні і же наш штат несповнить крітерія членьства в NATO“. (TASR, Pkf)