Руска федерална служба про дозор в області телекомунікації, інформачных технолоґій і масмедій днес варовала, же приступ на Фейсбук в Руску буде од будучого рока заблокованый, як тота сіть небуде сповняти критерія закона о архівації особных дані. Директор службы Александер Жаров про аґентуру ТАСС повів, же “закон платить про вшыткых єднако“. Спомянутый закон быв в Руску приятый в 2015 року а його критиці вычітають же давать можность рускым тайным службам приступ к особным даням хоснуючіх соціалны сіті.
(Петро Кімак-Фейко)