В неділю в Сербії проходили вольбы до націоналных совітів. Новый 19-членный совіт собі выберали і Русины. Ребублікова волебна комісія, як інформовала аґентура Рутенпрес, дотеперь не выголосила офіціалны резултаты русиньского голосованя, кедьже іщі все не суть публікованы резултаты із Нового Саду. На основі резултатів із далшых місць затля перемгать кандідачный список Русины довєдна. За ним скінчів список Русиньска будучность, на третім місці є кандідачный список За Русинів – Желько Ковач. Свободны кандідаты скінчіли на четвертім місці, пяту позіцію має список Быти і зістати Русином – Олена Папуґа і остатні дві місця здобли спискы Молоды мають первенство і список І мы Русинкы – Русины.
(Рутенпрес, Медвідь)