x

В Ужгороді хотять назвати уліцю по русиньскім активістови і писатльови. Екстремісты протестують

00

Днесь проходять в Ужгородьскій містьскій раді публічны діскусії о переменованю дакотрых уліць і о назвах новых уліць. Меджі пропонованыма змінами є і пропозиція переменовати Улицю Антона Кашшая на Улицю Болодиміра Фединишинця. Ужгород бы такым чіном дістав уліцю з меном  єдного із назнамішых русиньскых актівістів і писателів по 1989-ім році. Націоналісты і екстремісты зо Свободы і Карпатьской січі протестують. Русиньского писателя і діятеля Володиміра Фединишинця, котрый ся народив 9-го мая 1943-ім року в селі Репинне, мож брати як чоловіка, котрый на кінцю совітьского періоду зачав русиньскый рух на Підкарпатю. Належав меджі основателів орґанізації Общество подкарпатських Русинов, котре стало пізніше основательсков орґанізаційов Світового конґресу Русинів. Быв автором многых кних і есеїв. У 2004-ім році став лавреатом Премії Александра Духновіча за русиньску літературу. Помер 3-го октобра 2018-го року. (Петро Медвідь)