Выше двасто Чехів жыючіх в Бруселі брало участь вчера на акції, котра мала назву Чехы в Белґії хочуть демісію Андрея Бабіша. Зузана Пілзова, єдна з орґанізаторів обчаньской протестной акції повіла, же дана акція є высловіньом солідаріты з протестныма акціями Міліон хвілек про демокрацію, котры ся одбыли або ся приправують в містах Чеськой републикы. Як далі Пілзова повіла, „вырішыли сьме тот мітінґ скликати, абы сьме высловили незгоду з конаням премьєра Бабіша, котрый думаме собі, же нас значно пошкоджує, главні в тій країні а в тім місті. Як бы єм мала задефіновати главны пункты з котрыма не сьме згодны так то суть передовшыткым засягы до незалежного судницьтва, цілково підкопаваня правного штату і главні безпрецедентне, довгодобе і сістематічне злоужываня европскых дотацій.“ (TASR, Пкф)