Ірьска влада вчера оголосила строгішы пандемічны опатріня наймене на наслідуючій місяць. Платити зачали од днешньой півночі, інформувала о тім аґентура AFP з одкликаням ся на премєра Міхаеала Мартіна. Мартін окрім іншого повів, же к рештрікціям приходить з причіны “ехпоненціалного“ звышіня чісла припадів інфікації коронавірусом SARS-CoV-2. Ірьско за послідні дні голосить 8000 новых припадів інфікації, што є протів мінулому тыждню звышіня о 61 процентів. Єдночасно ся за згодный часовый період скоро здвократнило чісло госпіталізуваных – к вчерайшому дню здравотны уряды голосили 454 пацєнтів. (TASR, Pkf)