В Ґрузії в понедільок зачали 12-дньовы воєнськы маневры за участи армій членьскых держав Североатлантічной аліанції. Інформовала о тім аґентура AFP. Маневры проходять в сполочнім выцвіковім центрі Кырцанісі надалеко столиці Тбілісі. Окрім ґрузіньскых вояків є присутных і 350 вояків із США, Великобрітанії, Франції, Німецька і далшых 17-ох держав НАТО, а так само і колеґове з Азербайджану, Фінландії і Швеції, значіть трьох держав, котры не суть членами аліанції. Як повіла ґрузіньска віцеміністерка обороны Лела Чікованіова, маневры суть роблены на укріпліня оборонных капаціт Ґрузії, має ся укріпіти співпраца з НАТО, а не суть заміряны проти даякой третьой державы. Співпраца і можливе членьство Ґрузіїв НАТО знепокоює Кремель, котрый Ґрузію заатаковав в рамках короткой войны у 2008-і році.

(Медвідь, TASR)