x

На Кримі будуть нуклеарьны бомбардеры

00

Росія пішле на Кримскый півостров стратеґічны бомбардеры тіпу ТУ-22М3 способны нести нуклеарьны збрані як реакцію на іншталованя америцькой протиракетовой сістемы в Румунії у 2015-ім році. Повів то в понедільок председа Комітету Рады Російской федерації про оборону і безпечность Віктор Бондарев. Бомбардеры бы мали быти на кримскій авіабазі Ґвардєйскоє. За словами Бондарева, котрого цітовали містны медії, ся тым у великій мірі змінить рівновага сил в тім реґіоні. Член російского парламенту дале пояснив, же в часі перед окупаційов Криму грозило „замкнутя“ російской флотілы в Чорнім морі. За його словами Росія рокы платила Україні за флотілу на Кримі приблизно 100 міліонів доларів за рік, причім „грозив шантаж непередовжіньом договору.“ Росіяанекотвала Крим у 2014-ім році.

(Медвідь, TASR)