Палестиньскый радікалный рух Гамас ся одмітнув заоберати пожадавками Ізраїля, котрыма опреділив участь свойой делеґації на їднаня о новім договорі о перемірі, котры ся одбывають в еґіптьскій метрополі Кагірі. Ізраїль так в неділю свою делеґацію до Кагіры невыслав, інформував о тім справодайскый інтернетовый сайт The Times of Israel.  Ізраїль од Гамасу жадав, абы му дав список жыючіх жаложників одвлеченых палестиньскыма командами до Пасмы Ґазы по їх нападжіню на юг Ізраїля зо 7-го октобра 2023-го року. Ізраїль тыж хотів, абы Гамас опреділив чісло палестиньскых арештованых, котрых бы Ізраїль мусів пропустити за каждого ослободженого заложника. Гамас тоты пожадавкы одмітнув выконати, інформував о тім The Times of Israel. (TASR, Pkf)