Гасічі в Ґреції в неділю бойовали уж девятый день по собі з лісныма пожарами і жытелям многых реґіонів на севері країны были приказаны евакуації, інформує о тім аґентура AFP. Найрозсяглішый пожар девастує реґіон Еврос близько прыставного міста Александруполі при границях з Турційов. Приказ на евакуацію достали вчера жытелі області Лефкіммі в реґіоні Еврос і Кассітера в сусідній області Родопи. Уряды в Евросі означіли сітуацію за “барз важну“ з тым, же там пожар запричінив енормны шкоды. (TASR, Pkf)