Данска поліція зреалізувала вчера серію разіі по цілій країні, при котрых заперла коло 20 осіб підозрілых з планованя терорістичных атаків. Інформувала о тім аґентура AP з одкликаням ся на тамтешніх представителів. Шеф данской тайной службы Флеммінґ Дреєр повів, же підозрілых при їх конаню поганяв „мілітантный ісламістичный мотив“. Главный коданьскый поліцайный іншпектор Йырґен Берґен знова повів, же дакотры зо запертых осіб будуть обвинены на основі протитерорістичных законів їх країны. (TASR, Pkf)