Світова здравотницька орґанізація (WHO) ознамила, же европскы штаты наголосили за мінулый тыждень выше  700.000 новых припадів інфікації коронавірусом – цілково найвысше чісло од зачатку пандемії, попередила пресова аґентрура AP. WHO в реґулярній тыждньовій справі, котра была опублікована вчера увела, же тыждньовы припады інфекції і смертных пригод по цілій Европі рапідно ся звышыли о 34 % і о 16%.  Выше половину новых припадів на контіненті зазначіла Британія, Франція, Росія і Іспанія. Але в Поландії припады інфекції коронавірусом і смертных пригод прудко наросли о 93 процентів і о 104 процентів і тамтешня влада спріснила обмеджіня, бо ся снажыть выгнути дальшому запертю країны, додала WHO. (TASR, Pkf)