x

Ґрекокатолици вызберали про постиженых експлозійов віруючіх в Бейруті понад 55 тісяч евр

00

Понад 55 тісяч евр – то сума, котра была вызберана в рамках міморядной збіркы, котру в половині авґуста выголосив пряшівскый ґрекокатолицькый архієпіскоп і метрополіта Йоан Бабяк. Збірка проходила 30-го авґуста у вшыткых ґрекокатолицькых парохіях цілой Ґрекокатолицькой метрополітной церкви sui iuris на Словкаії. Вчера 14-го октобра о тім інформував Михал Павлишіновіч з Інформачного центру Пряшівского архієпіскопства. В Пряшівскій архієпархії ся вызберало 40 500 евр, у парохіях Кошыцькой єпархії то была сума 9 759 евр, і віруючі Братіславской єпархії вызберали 5 090,67 евр. В лібаноньскій столиці Бейрут велика експлозія, котра одбыла ся 4-го авґуста того року, приготовила о жывот понад 170 людей, тісячі были зранены і понад 300 тісяч людей зістало без стріхы над головов. (ЛЕМ.фм, Пкф)