Европска комісія (EK) пожадує, жебы Чехія до кінця тыждня перестала з контролями говеджого мняса привеженого з Польщі. Інформовав о тім у четверь на своїм інтернетовім сайтї Ческый розглас. Говоркыня ЕК ся про сервер iROZHLAS.cz выядрила, же ,,комісія проскумала опатріня чеськой страны і поважує їх з огледом ку інціденту за діспропорчны.”

Еврокомісарь про здравя і беспечность потравин написав ческому міністрови польногосподарства Мірославові Томанови лист з вызвов перестати з контолями польского мняса. Чехія потвердила приятя листу, контролы мняса і надале поважує за потрібны. Ческа Штатна ветерінарна справа увела, же захопила засїлку 1200 кілоґрамів мраженых курячіх стеген з Польщі, у котрых была потверджена притомность салмонелы. Говорця міністерства Войтєх Білі увів: ,,Пріорітов є про нас oхрана нашых конзументів, з оглядом на нашу сучасну сітуацію поважуєме контролю здравотной незавадности говеджого мняса з Польщі за невыгнутну.“

                                                                                                                      (TASR, Шутіова)