x

Ердоґан по выборах обіцять зрушіня выняткового стану

00

Турецькый презідент Речеп Таїп Ердоґан в понедільок приобіцяв, же по слідуючіх презідентьскых і парламентных выборах, котры одбудуть ся 24-го юна, вже не буде продовжовати ся у вынятковім стані, котрый там быв запровадженый по пробі турецькой армії о державный пуч з літа 2016-го року. Інформовала о тім аґентура DPA. Вынятковый стан має скінчіти 18-го юла годину перед півночов середньоевропского часу. Продовжованый од юла 2016-го року быв уже веце раз, останій раз тому было 19-го апріля. Ердоґан в понедільок повів, же кідь выграє выборы, стан бы ся міг уж закінчіти, но єдночасно інформовав, же при будьякій сітуації, котра бы ся дотуляла терорізма, бы ся тот стан міг обновити. Подля опозіції рештріктівны законы, котры суть чінны почас того стану, можуть запричінити, же выборы не будуть проходити справедливо.
(TASR)