Европска комісія додала Польщі першых пять міліард з фінанчных средств становленых на обнову країны по пандемії ковіду, котры Брусел позаставив про страх з ослабованя прінціпів правного штату. Інформовала о тім у четверь польска тискова аґентура PAP. Новый польскый кабінет премєра Доnалда Туска, котрый довєдна вытворили дотеперішнї опозічны страны, ся хопила моци 13. децембра. Туск іщі перед своїм наступом приобіцяв, же зробить крокы ку одблокованю средств і переконаню довгорочных незгод, котры меджі Бруселом і Варшавов пановали протягом попереднёй влады страны Право і Справодливость. ,,Є то готово, як єм приобіцяв,“ написав на сїтї X Туск по выплачіню першой транжі. Пять міліард евр, што в перерахованю представлять высше 20 міліард злотых, є уж подля нёго на контї польского штату.

(TASR, Шутіова)