Росія адекватно зареаґує на запертя свого ґенералного конзулату в Кракові. Аґентурі ТАСС то в понедільок повіла говоркыня російского Міністерства загранічных діл Марія Захарова з тым, же піде о „асіметрічну“ одповідь. Намістник російского міністра загранічных діл Александр Ґрушко про аґентуру повів, же правдоподобно Росія запре польскый конзултат в Калининґраді і в Іркутьску. Рішіня заперти російскый конзултат в Кракові оголосив у понедільок польскый шеф діпломації Радослав Сікорьскый в реакції на інформації, же пожар в обохднім центрі Марилівска 44 у Варшаві быв резултатом підпалячства в режії російскых тайных служеб. Москва означіла обвиніня за необґрунтованы.

(Медвідь, TASR)